مازال الحال بقلمي
ياك شحرنا على جمر البراد
وصباح جميل جاي يخبر
والفرحة ف وجه كل لجواد
والكاس بين الناس يعبر
شوف لفراخ فرحة ونشوة
هذا جاي وهذا غادي
هذا يحلم وهذا ف سهوة
علموني نكتب سر نشادي
حركوا الحرف من عمق مكانو
بين الفرحة بهجة وسرور
خلاوني فربيع لوانو
بالدفء قلبي سيادي مبشور
والبسمة سواكن هذا الدات
ركباتني دهم خيالي يجري
خلاتني ومعايا حضرات
داتني وانا فين ماندري
خلات طيور تحط براحة
خلات لعيون فالكون تنظر
دنيا جميلة بهجة وواحة
ياك خلات طبيعة تكبر
خلي الخاطر خليه هادي
غير حظك بعد للي تحضي
باللين يالحاضرفبلادي
فطريقك ياهذا تمضي
خلي شمسك لينا تسطع
خليني نحكي ونتغزل
خلي القمرة بينا تصنع
وتسافر بينا تتخايل
مازال الحال والارض تعطي
ياقلبي وتحضر ليه ساعتو
سر الله باللطف مغطي
دابا ياقلبي تجي وقتو
الأحد أكتوبر 23, 2016 2:43 pm
